David de Herve ... dépose ... q le dimanche devant la St Lyenard assavoir le IIIè jour de novembre dernièrement passé environ les VII heures au soir ledit déposant oyt et veyt q Charlot fil du feu Johan le Tixhon de Herve estoit devant la maison de Olivier Dreis et ploroit en disant chaire mort comme sil fust couroucé disant q cestoit pour lamour de son frère leql lon faisoit tort desorte q ceulx de la maison dudit Olivier Dreis demandoient de luy sil en voulloit à eulx leql respondast q non et ql ne demandoit rien à psonne desorte q lespouse de Johan de Wotisaul lamena du cousté vers le marchiet ne scait q long dont tantost après il retourna encor ilec plorant et disant comme p(ar)avant desorte q lon lamena en la maison dudit David déposant où q ilec estant lon luy blasmoit de faire ainsy et ql soy gradast de dangier leql disoit et respondit ql sen garderoit bien, dist enoultre q encor ung jour p(ar)avant il oyt q ledit Charlot faisoit encor ainsy ql faisoit audit dimanche et quant lon lamena en la maison dudit déposant il ledit Charlot avoit une rapière laqlle nestoit point tirée.

Anne espouse à Olivier Dreis ... dépose qlle saccord avec le qtenu du premier thesme ... dist davantaige q en emmenant ledit Charlot elle ladite déposante oyt q lon disoit audit Charlot ql gardast ses p(ar)olles et ql ne soy mist en dangier leql respondit ql ne soy metteroit point en dangier et ql scavoit bien ce ql faisoit mais il les metteroit en dangier sil povoit et quant il ledit Charlot estoit environ du cousté des fenestre de la maison de ladite déposante ladite déposante ouyt q ledit Charlot disoit "où es frère Anthoene lon dit q tu as les pockes, je veux vivre et morir avec toy"...
Dist davantaige q alhors mesme ladite déposante oyt q ledit Charlot demandit dudit Wilhelm "chair frère ne veu tu point morir avec mon frère Anthoene" leql respondit "q scaye je moy quy cest ton frère Anthoene je ne me veu mesler de toy ny de ton frère Anthoene".
Au Vè (article) sy accord mais ne scait pfaictement dire sil estit tombé en buysson despines ou en la suees? à lautre cousté vers la maison quy fut Joseph.

Ce témoignage est rejeté

Marye espouse à Olivier deffendeur ... dépose ... q audit jour et heure elle ladite déposante retournoit avec Olivier son marit et Wilhelm fil du feu Anthoen Massin de soupper à la maison q fut à feu Anthoen Massin dont quant il viendrent eviron devant la maison Olivier Dreis ils trouvèrent Charlot susdit lequel ilec juroit et feroit avec sa rapier en terre et p(ar)loit q son frère estoit plain de pockes desorte q Wilhelm susdit dist "hola hola vise ce q tu fais voychy des gens" et descendit ledit Charlot de thier et redemandit son chapeau et disoit "je ne toy demande rien" et ledit Olivier disoit aussy "je ne te demande rien aussy" et quant il retournèrent dudit souppé Arnoult fil Jacqmin le Pmentier presta audit Olivier ung espieu leql ledit Olivier ne voulloit prendre disant "q veu tu q je fache dung espieu quant il ny a nuls mals gens" tandis ledit Arnoult disoit ql soy apuyeroit desus desorte ql lemporta.

Ce témoignage est rejeté car Marye est la femme d'Olivier soit d'une des parties.

Olivier Dreis sermenté ... ... au IIè article sy accord à scavoir par II fois et le IIIè fois à son meilleur sens il ferit sur lespieu mais au IIIè il entendoit bien q la rapiere nestoit tirée/ item au IIIè sy accord mais il ne pouvoit bonnement et pfaictement veoir frapper sur lesdits espieux mais à son meilheur il oyoit fraper sur lesdits espieux/ item ai IIIIè dist q Olivier et Carlot reculoient jusques contre les fenestres de la cusine dudit déposant ferirent lung à lautre comme lon dist commément corich? à caech? (cache-cache?) mais ne sceit lequel ferit son compaignon, dist ql oyt dire ledit Wilhelm que ledit article qtient et ql saccord au qtenu dudit article/ item au Vè art. sy accord réserve q ne sceit pfaictement sy ledit Charlot estoit tombé en buisson despines ou desoubs , etc ...

Juthe servante à Damoiseau Everard d'Arenbergh ... dist que ledit Charlot burinoit fort et soy maulgréoit fort p II fois et ql buyssoit mais ne scait avec quoy et disoit ql voulloit vivre et morir avec son frère/ et ql juroit/ item ... dist q quant Marye espouse audit Olivier vient buysser à lhuys de la maison de sa mère q ladite déposante oyoit buysschier des bastons mais ne voyat psonne ferir et oyoit q ledit Charlot disoit ql ne demandoit rien audit Olivier et ledit Olivier disoit ql ne demandoit rien audit Charlot et q ledit Charlot redemandit son chapeau et ql sen riroyt disant ledit Olivier "wet quy vient joy burdiner" et ledit Charlot disoit "je ne vos demande rien" et ledit Olivier disoit "quassy ne fache toy"/ et ledit Wilhelm disoit "va ten Charlot tu scais bien ql nest point temps de ster pmy les voyes"/ ... dist q ung dimanche encor p(ar)avant avoir ledit Charlot encor esté devant la maison dudit Olivier Dreis et burinoit ilec disant ql estoient leurs II ou leurs trois et ql falloit q ung deulx demeurast à la paelle de sorte q Olivier Dreis luy demandit ce ql voulloit leql répondit ql ne voulloit rien et ql ne huchoit nelluy.

Ce témoignage est rejeté.

Jennon espouse à Johan le Veck ...

Maroie espouse à Damoiseau Everard d'Arenberch ... dépose q le dimenche devant le sainct Linar dernier elle oyt après souppé q Charlot fils de feu Johan le Tiexhon burinoit devant la maison de ladite déposante et juroit tellement q Damoiseau Everard son maryt luy demandoit par plusieurs fois q cestoit celuy q burinoit et q cestoit dommaige q on ne le tappoit en bollett ou aultre part tant et sy longuement q fuist refroidy dont tantost apprès Marye espouse à Olivier fils de ladite déposante vient bussier à lhuis de sa maison desorte q la mesckinne (servante?) luy allat ouvrir lhuis et estoit ledit Olivier pardevant lhuis avecq ung espieu en sa main dont ladite déposante demandist q cestoit q burinoit si fort sur les rime?? à quoy ledit Olivier dist "regarde de cy meschan q vient cy buriner" de quoy ledit Charlot dist q ne demandoit rien audit Olivier et Olivier dist q ne luy demandoit rien aussy et noyt point q ledit Charlot dist allhors q ledit Olivier leust frappé et ce dist elle pour les parties ambedeux.

Ce témoignage est rejeté.

Damoiseau Everard b. d'Aremberch ... dépose q le dimanche devant le sainct Lienard dernier après souppé il seoit en sa maison soy chauffant et ouyt q ung homme passoit et estoit devant la maison dudit déposant et burinoit et juroit par plusieurs fois et longuement durant desorte q ledit déposant demandoit q cestoit q faisoit une telle burine et q cestoit dommaige q on ne le tappoit en leawe (l'eau) ou q on le mettis quelque part tant q fuist refroidy et q Olivier fils de Grand Olivier revint tantost à la maison dudit déposant et ql disoit ql falloit à celuy q burinoit sy fort et q ne luy demandoit rien.

Ce témoignage est rejeté.

Johan de Wotilsaux ... dépose ql soy accorde et demeurt entièrement ... dépose davantaige q au temps q ledit Charlot burinoit ql faisoit plusieurs jurement et mesme q le deuxiesme dimenche devant le St Linard il burinoit pareillement et juroit comme il fist le dimenche devant le St Linar dernier.

Maroye espouse à Johan de Wotiesaulx ... dépose q le dimanche devant le Sainct Linar dernier elle ouyt q Carlot burinoit devant la maison de Olivier Dreis et en burinant il juroit a...effors? et q mesme lautre dimenche devant ledit Charlot burinoit et juroit pdevant la maison dudit Olivier Dreis desorte q la mère dudit Charlot (fille de Dreis Olivier) vient ilecq et le reminat.

Robert fils de Damoiseau d'Aremberch ... dépose q le dimenche devant le sainct Linar dernièrement passé environ de sept heures à soire et estoit à la maison de son père où il oyt q Carlot fils de feu Johan le Tixhon vient pdevant ladite maison et burinoit et juroit bien lespace de demy heures de temps et q Damoiseau Everard père dudit déposant disoyt q cestoit dommaige q on ne le tappoit en prison ou en bollett, dist enoultre q le dimenche devant ledit Carlot avoit faict encor semblablement, dist davantaige q le dimenche devant le sainct Linar au soir quand Olivier frère audit déposant et Carlot susdit furent arrier lung de lautre ledit Olivier dist "regardez q cestuy vient icy buriner" dont ledit Carlot dist q ne demandoit rien audit Olivier et q ledit Olivier dist ql ne demandoit rien aussy audit Carlo.

Ce témoignage est rejeté.

Arnouldt fils de feu Jacquemin le Parmentier ... dépose ... q le dimenche devant le sainct Linar dernier Olivier fils de feu le Grand Olivier avec son espouse estoient au disneir en sa maison et ql les detient sy longuement q jusques au bancquette et ql avoient des bonnes devises ensembles et quant ce vient au soire q ledit Olivier soy departit de la maison dudit déposant il prestit ung espieu pour retourner desorte q ledit Olivier estoit refusant de le prendre dont ledit déposant dist ql soy appuiat sur ledit espieu à cause ql faisoit espez et ql navoit point de lantterne et dist ledit déposant à Willem son beau-frère (ndlr: Arnould épouse Jehenne fille d'Antoine Massin) q en rallist avecq ledit Olivier dont le lendemain quand ledit Willem fut retourné à la maison dudit déposant il luy demandist si ql avoiet eu quelque différent (#ledit Willem dist audit déposant ...) (desorte q luy respondit) et ql avoiet trouvé ung homme q juroit et blasphemoit et q incontinent y acco(u)rat et tappit ledit Willem son esp(i)eu entre deux et q Carlot soy mettit en fuit et ql ne le cognoissoit jusque* au tant ql senfuit et dist ledit Willem pourquoy ql venoit buriner en celuy temp, parquoy ledit déposant demandist q non et demandict ledit déposant si Olivier lavoit doncq feru dont il respondict ql ne le jureroit point pour tos ses biens q Olivier leust feru ou non et ce dist il pour les parties ambedeux.

Johan de Wotisaul demeurant à Herve ... dépose avoir mémoire q le dimanche devant la St Lyenard dernièrement passé environ les VII heures du soir et ledit déposant estoit apuyé sur le purnet de sa maison où q estant il oyt q Charlot susdit burinoit devant la maison de Olivier Dreis dont il ledit déposant envoya son espouse envers ledit Charlot affin le ramener ce qlle fit jusque environ la maison de Heyn le Mercenier (ndlr: il habite Pottier Rue)quoy fait ledit Charlot tantost et incontinent après retourna encor ilec comme p(ar)avant adoncq oyt ql en vient deux et oyt q Wilhelm fil du feu Anthoen Massin disoit "hola frère il nest maintenant temps de ainsy buriner et avoit avant ce oyu ledit déposant ferir et veyt incontinent ledit déposant q ledit Charlot soy releva et ql sen fuyt.

Maroye espouse à Johan de Wotisaul ... saccord avec la déposition de Johan son marit p(ré)déposant réserve ql ne veyt point relevé ledit Charlot lais elle oyat ql ledit Charlot fuyoit du cousté vers le Tiège et adoncq ladite déposante sortit hors de sa maison et veyt q Olivier susdit retournoit avec son espieu en sa main du cousté vers le Tiège et q Wilhelm fil du feu Anthoene Massin le rappellat disant "revenez cousin" et veyt point q ledit Charlot eust tiré sa rapière et ql ne le tirat point.

Gertrude espouse à Henry fil Henry le Veck ... dépose ... q le dimenche devant la St Lyenard dernièrement passé environ VII heures de nuyct ladite déposante estoit au purnet de sa maison où elle oyoit q Charlot susdit soy demenoit mal environ devant la maison de Olivier Dreis dont ledit Lyenard dist q cestoit Charlot et après coups ladite déposante oyt q le fil de feu Lyenard Johan Colar le voulloit remener mais ledit Charlot retourna encor vers la maison dudit Olivier et alhors ladite déposante oyt q ung dist "va ten lon tu fait ton droit, tu as acquist ce tu as" adoncq oyt encor ladite déposante ql y eu ung quy dist "ca vien cha vien" et respondit ledit Charlot ql ne demandit nulluy rien et ql redemandit son chappeau.

Heyn Mercenier de Herve ... dépose ... q le dimenche devant la St Lyenard dernièrement passé environ de VII heures au soir il oyt q Charlot fil du feu Johan le Tixhon de Herve estoit devant la maison de Olivier Dreis plorant en disant ql luy faisoit mal de son frère et noyt point ql soy demenast autrement ql ploroit en disant comme dessus, adoncq mesme oyt q Olivier fil du feu le Grant Olivier vient ilec et Wilhelm fil Anthoene Massin lesqls trouvèrent ledit Charlot ilec desorte q ledit Olivier demandit dudit Charlot ce ql queroit leql Charlot répondit ql ne demandoit à psonne rien, adoncq ledit Olivier dist "Ca cha doncq" et oyt frappé mais ne scait quy cestoit quy frappoit et oyt ung dist "houla cest assez" et adoncq ledit Charlot fuyt du cousté vers le Tiège en tirant ses témoings de ce q lon le couroit sus et ql ne demandoit nulluy rien, et adoncq oyt q ledit Olivier entra en la maison de sa mère et après q ledit Charlot eu tiré ses témoings il oyt q ou Wilhelm ou Olivier susdits dist q lon luy avoit fait son droit.

Anne espouse à Heyn Mercenier susdit ... saccord avec la déposition dedit Heyn son marit et pour cause de science elle fut ledit hestour durant sur le purnet de sa maison et dist audit Charlot ql soy gardist car il estoit franchiesé leql répondit ql navoit garde.

Lyenard le Daeglier ... dépose ... q le dimenche devant la sainct Lyenard dernièrement passé environ les VII heures au soir ledit déposant veyt q Charlot susdit passa devant sa maison et alloit amont dont ledit déposant luy dist ql en rallast et ql navoit point besoingne daller pmy la ville quant il estoit fol et tantost après il oyt q ledit Charlot estoit environ devant la maison de Olivier Dreis leql disoit "(...?) Olivier tu mas feru se ne toy demandye je rien jen tire mes témoings" et tantost après il veyt Olivier fil du feu le Grant Olivier revient en sa maison avec sa femme avec une lampe et ne scait point ledit déposant ql Olivier ledit Charlot disoit.

Henry fil du feu Henry le Veck ... saccord avec la déposition de Gertrud son espouse prédéposante, autre chose ne dit saulf ql veyt rentrer Olivier susdit en sa maison avec ung espieu, son espouse et la servante de sa mère.

Wilhelm fil du feu Anthoene Massin ... dépose ... q le dimenche devant le St Lyenard dernièrement passé il ledit déposant reconduisoit Olivier fil du feu le Grant Olivier leql venoit de soupper davec luy à la maison de Arnoult fil du feu Jacqmin le Pmentier demeurant en la maison de feu Anthoene Massin dont quant ils approchoient vers la hamende il oyoient buriner Charlot fil Johan le Tixhon leql toutesfois il ne le cognoissoient et ce environ devant la maison de Olivier Dreis dont quand il viendrent enprès de luy ledit déposant dist en tele sorte "meschant cokin vise à toy garde toy bien q tu ne fer laissé nos passer" mais il ne scait sil avoit tiré sa rapière ou non mais il scait bien ql loyoyt buriner avec sa rapière à terre tellement ql ledit déposant veyt q ledit Olivier mist son espieu devant luy et alhors oyt ferir ladite rapière sur ledit espieu et incontinent ledit Charlot senfuyt vers le Tiège et tantost après il descendit et adoncq ledit déposant alla enprès de luy disant "meschant cokin est ce maintenant ung temps de courrir pmy la ville au temps quy court", adoncq disoit ledit Charlot "je ne vo(s) demande rien, je nen veult point à vo(s)", demandit aussy ledit Charlot dudit déposant sil ne voulloit point demeurer enprès de son frère, )à quoy ledit répondit ql ne le cognoissoit ny (bin?) son frère, dist enoultre ledit déposant ql mist son espieu entre deux affin ql ne soy ferassent point lung à lautre et ce dist pour les ptie ambedeux.

Henry le Veck manant à Herve ... dépose ... avoir le dimenche devant la St Lyenard dernier au soir oyu buriner environ devant la maison de Olivier Dreis mais pour ce ql estoit franchiese et ql soy doubtoit ql nen fauldroit témoigner il soy tient et retira en sa maison et nentendit rien.

Anthoene fil du feu Johan le Tixhon de Herve ... dépose ... q après la dplaincte faite p Charlot son frère contre Olivier fil du feu le Grant Olivier de Herve q ledit Olivier est venu devant la maison dudit Charlot huchant ledit Charlot hors disant "vien ca (h)e toy rassemble(n) je te trouveraye

Me Halen de Vizé chirurgin à Herve ... dépose ... q le dimenche devant la St Lyenard dernier au soir vient Charlot fil du feu Johan le Tixhon de Herve à la maison dudit déposant pour estre médiet leql ledit déposant médiat deux sang courrabts au visaige et une playe en bras senestre et disoit ledit Charlot alhors audit déposant q Olivier fil de feu le Grant Olivier luy avoit fait et ql ne luy demandoit rien.

Juthe servante à Damoiseau Everard b. d'Arenbergh ... soy rapport et demeurt enprès du txge ql a de la pt Olivier susdit déposé autre chose ne dit.

Jennon espouse à Johan le Veck .... demeurt ...

Grigoire fil du feu Lyenard Johan Colar ... dépose ... q le dimenche devant la St Lyenard dernier de nuyct ledit déposant estoit devant la maison de la vefve Pirot Petit Johan où il oyoit q Charlot susdit disoit ql luy faisoit mal de son poevre frère q lon disoit quy estoit massier(?) estant devant la maison Olivier Dreis et tantost après y vient Olivier fil le Grant Olivier dont il oyoit buschir des bastons et oyoit ledit déposant q ledit Charlot estoit ou allé ou fuy vers le Tiège et adoncq oyt ledit déposant q ledit Olivier dist "je ta fait ton droit" et oyt ledit déposant q Wilhelm fil du feu Anthoene Massin disoit audit Charlot "il nest point temps maintenant" et ql faisoit alhors sy obscure q lon ne povoit veoir.

Le frère de Charlot, qui n'est pas cité, semble avoir des problèmes ou être malade (y a-t-il une épidémie? Ce frère aurait les "pockes", voir plus haut). Maintenant on dit que le frère en question est "massier" mais que signifie massier?
On repète souvent à Charlot que ce n'est pas le moment de faire de l'esclandre. Pour quelle raison?

Catharine espouse à Dreis Olivier ... dépose ... q après q Anthoene et Charlot ses enfants (Antoine et Charlot seraoient plutôt les petits-enfants de Catherine et de Dreis Olivier) soy ont deplainct ju(h?)lement de Olivier fil du feu le Grant Olivier q ledit Olivier est venu devant la maison de Charlot son fil où demeurt ladite déposante disant ledit Olivier "q dis tu tu ne dit rien toy et tes enfans" lesqls estoient en laentour de ladite maison lesqls ny disoient rien desorte q ladite déposante disoit audit Olivier en tele sorte "rallez vos en je ne vos demandent rien, ils ne soy voulloient combattre vos le voyez bien", adoncq Jacob nre forestier le prinst et lamenoit arier de là luy disant "q voulez vos faire ils soy ont plainct de vos", dont environ de une heure après coups ou plus ledit Olivier revient encor ilec et les arguoit comme p(ar)avant desorte q le jeusne Polis vient ilec et lemmena p le bras arier de là vers la ville.

Frambach fil du feu Johan delle Haye ... dépose ... q le lundy devant la sainct Lyenard dernier ledit déposant passoit du Coir de Herve où il demandit de Charlot fil Johan le Tixhon quy lavoit ainsy degrettez au visaige leql luy respondit ql voulloit le jour davant aller à la size et q Olivier fil (barré?) Damoiseau Everard (il y a une erreur ici puisque Olivier est le fils du Grand Olivier. Damoiseau Everard a épousé la veuve de ce dernier) lavoit féru jus avec ung espieu et le mesme jour vient ledit déposant sur le marciet à Herve et trouva ilec Wilhelm fil du feu Anthoene Massin disant ledit déposant audit Wilhelm dont venoit ql estoit hier sy mavais, adoncq dist ledit Wilhelm q ce nestoit point luy et ql nen soy mesloyt point et q si ce euist esté luy q ledit Charlot euist eu beaucoups plus de coups et qls ne lavoient point cogneu jusques à tant ql ledit Charlot fait requérir son chapeau.

Jehenne fille de feu Ernot de Margansaulx servante à Loren de Hazeur brasseur ... dépose .. q le dimenche devant la sainct Lyenard dernier au soir ladite déposante oyoit q Charlot susdit estoit devant la maison de Olivier Dreis et ql y avoit une femme enprès de luy laqlle luy disoit ql soy gardast de dangier leql respondoit en disant "ne doubte point Mari... je nay garde", dist ladite déposante q tantost après elle oyt q ledit Charlot estoit vers la maison de la Large Fueille et disoit "je vos tint en témoings il me vient courrir sus se ne demande je nulluy rien", adoncq vyt ladite déposante q Wilhelm fil du feu Anthoene Massin alla enprès dudit Charlot luy disant pourquoy il venoit maintenant faire telle chose aval la ville leql répondit ql ne demandoit nulluy rien sinon ql luy faisoit mal de son poture(?) frère Anthoene et disoit pourquoy me vient il férir quant je ne demande nulluy rien.

Marye fille David de Herve ... dépose ... q le dimenche devant la sainct Lyenard dernier au soir elle oyt q Charlot susdit estoit environ devant la maison de Olivier Dreis et disoit ql luy faisoit mal de son frère Anthoene et ql y avoit une femme quy parloit à luy et luy disoit quy estoit franchiese et ql soy gardast bien leql repondit ql soy garderoit bien et ql ne demandoit rien.

Aelid fille à David de Herve ... saccorde avec la déposition de Marye sa seure prédéposante, dist davantaige q après ce et incontinent ladite déposante alla quérir ledit Charlot et le mena en leurs maison et saignoit leql disoit "je suys quachy y ma féru deux à trois coups y me fault aller au mède et sen alla vers la maison de Mre Halen.

Maroye fille de Heyn le Mercenier ... dépose qlle sacoorde avec la déposition de Heyn son père prédéposant et pour cause de science dist qlle estoit alhors à la fenestre de planchy de la maison de son père et davantaige tantost après veyt repasser ledit Olivier avec son espouse avec une lamp lesqls retournoient vers leurs maison et avoit ledit Olivier ung espieu en sa main.

Johan de Wotisaulx réexaminé dépose q le dimenche devant le sainct Linar ni le dimenche encor paravant il noyt point q ledit Charlot eust point de arguement ni ql eust différent et q en burinant il fist mention de Olivier fils de feu le Gran Olivier et dist encor q le deuxiesme dimenche avant le St Linar ledit Charlot burinoit de sorte q Olivier Dreis vient à lhuis de sa maison et demandict q luy falloit et à quy quil en vouloit à quoy ledit Charlot respondict ql ne vouloit ny demandoit rien audit Olivier.

Maroie espouse à Johan de Wotilsaulx réexaminé dépose q le dimenche devant le St Linar dernier elle noit point le temps q Charlot burinoit q eust nul arguement à Olivier fils le Gran Olivier ni q fist mention dudit Olivier et mesme noit point q huchast psonne hors.

Lauren de Hazeur brasseur ... dépose q le deuxiesme dimenche devant la St Léonard il ouyt q Charlot fils de feu Johan le Tixhon estoit devant la maison de Olivier Dreis et burinoit et juroit disant disant q luy fasoit mal q on faisoit son frère tort, dist davantaige q le dimenche après ensuyvant le quel estoit le dimenche devant le sainct Linard il ouyt q ledit Carlot estoit encor devant la maison de Damoiseau Everard et celle de Olivier Dreis et burinoit en jurant la chaire et mort de Dieu q luy faisoit mal q on disoit q son frère estoit plain de pockes dont tantost après il descendict jus de tier et ouyt ledit déposant q Willem fils de feu Anthoine Massin disoit audit Carlot "cockin dou viens tu à venir buriner icy à cest heur et dedens ung tel temps", à quoy ledit Carlot respondict ql ne huchoit personne hors et ql ne demandoit rien à personne et aussy il noyt point q Olivier fils de feu le Gran Olivier eust différent à psonne et veyt ledit déposant q tantost apprès il veyt q Olivier susdit sortir hors de la maison de sa mère avecq son espouse et la mesckinne de sa mère avecq une lanterne et q ce fut entre les sept et huict heures à soire et ce dist il pour les parties ambedeux.

Jehan Piette corbesier ... dépose q le dimenche devant le sainct Linard dernier il oyt q Charlot fils de feu Johan le Tixhon estoit devant la maison de Olivier Dreis et plouroit et disoit q luy faisoit mal de son frère et q tantost après il ouyt frapper ung coup mais ne sceit q ce fut q frappit et ouyt enaprès q Olivier fils de feu le Gran Olivier dist "va ten on ta faict ton droict" et q Carlot susdit senfuit devers le Tiège et q en descendant il disoit parquoy on le frappoit quant il ne demandoit à psonne rien desort q Willem fils de feu Anthoine Massin reprenoit ledit Charlot pour ce q huchoit desorte ql respondict pourquoy q on le frappoit quant il ne demandoit à psonne rien et q ne demandoit q de ravoir con cappeau et q vient à lhors des gens et minèrent ledit Carlot à la maison de David.

Maroye espouse à Jehan Piette corbesier ... dépose q le dimenche devant le sainct Linar dernier du soire elle séoit enprès de feu en sa maison dont elle ouyt q Carlot susdit disoit q luy faisoit mal de son frère et quelle oyt férir ung coup mais elle ne sceit q ce fuist q frappit mais oyt q Carlot susdit dist pourquoy q on le frappoit quant il ne demandoit à psonne rien.

Ealid fille de feu Pirot Puty Johan ... dépose q le dimenche devant le sainct Linar dernièrement passés elle oyt q Charlot fils de feu Johan le Tixhon de Herve estoit environ de sept heures au soire devant la maison de Olivier Dreis par la secunde fois et burinoit disant q luy faisoit mal de ce q on avoit dict à Liège q son frère estoit plains de pockes et q vouloit vivre et mourir avecq son frère, dont enaprès elle oyt hurter des bastons lung contre lautre mais ne scait q cestoient car il faisoit troppe espes (épais?) aultrement quelle oyt dire Olivier fils de feu le Gran Olivier, dist "vaten on ta faict ton droict" et q Willem fils de feu Anthoine Massin reprenoit fort ledit Charlot pour ce ql venoit buriner pmy les rues à celle heure et en cestuy temps de sorte q Charlot disoit q ne luy demandoit rien.