Piet Gros Fil ... dépose ... quy soulloit avoir de deniers quon appelloit des vieulx blaffar de Namur et ql luy semble q le denier q ledit Johan Florkin a monstré q cest un vieul blaffar de Namur, dist davantaige q largent est plus remonté ql ne soulloit estre.

Jacob nre forestier ... dépose ... q le denier q Johan Florkin a monstré à son semblant est ung vieul blaffar de Namur et davantaige q ung vieul blaffar de Liège soulloit monter et mont I ad* VI S*, dist enoultre q toutte sorte dargent est plus remonté quy ne soulloit.

Record demandé de la pt Johan Florkin act. assavoir si messrs nont tousjours usés et usent encor le cas advenant que quant aucune psonne soit il de quel pays q ce soit vient faire pdevant eulx reportation à autre psonne de cens dargent soit de coingne d'Allemaigne ou d'autrept, si messrs nadvestissent telle psonne dudit tel cens. Mssrs y accordent saulf tousjours le bon droit dung chacun.

Autre record assavoir si messrs ne tenent q celluy quy est advesty de tel cens sil ne peult tos les ans demander et lever ledit cens au pris quy court dan en an soit ql soit remonté ou non. Messrs recordent q celluy quy est advesty pdt eulx de tels cens peult demander les canons de tels cens suyvant les vestures ql en port.

Autre record si messrs nont bien cogce ql est venu plusieurs psonne pdt eulx demandant cens dargent quy nest point monnoie de Liège. Messrs y accordent.

Autre record assavoir si messrs nont bien cogce q toute sorte dargent monnoyes est remonté depuys ql ont recordation et souvenance. Messrs y accordent.

Autre record assavoir si messrs ont point de cogce ql ayt et soit autres deniers appelés vieul blaffar sinon le denier ql ledit Johan a mis en justice. Messrs disent qls ont ja veu de deniers q lon allouwoit pour un vieul blaffar monnoye liégeoise mais sil estoient forgé sur vieul blaffar rien nen scavent. Et quant au denier q ledit Johan a mist en justice ne scavent si cest ung vieul blaffar de Namur ou non et sur combien il est forgé.

Gerard le Patron ... dépose ... q au temps ql estoit mambour de feue dame Jehenne de Chaesne de Liège ql a payé au nom delle à feu Thiry Gillis le vieul blaffar différentieu assavoir payoit I ad* VI S* monnoye liégeoise pour ledit vieul blaffar.

Johan Florkin ... dépose ... ql a oyu dire feu Thiry Gillis son jadis beau-père ql avoit ung vieul blaffar de cens hérit. sur tos les biens delle court de Chaesne mais il ne luy veyt jamais lever ny ledit déposant ni la jamais levé.

Barbette espouse à Johan Florkin ... dépose avoir bien oyu dire feu Thiry Gillis son feu père ql avoit ung vieul blaffar de cens hérit. sur la court mre Johan de Chaesne mais ne veyt jamais lever sondit feu père ledit vieul blaffar et ql ne le levent jamais.

Mathieumet bourgoy de Herve eaigy de IIIIXX ans et plus ... dépose avoir eu tousjours cogce et a encor au pnt q quy debvoit ung vieul blaffar au lieu de Herve estoit quicte pmy payant I ad* et VI S* Liège. Dist davantaige q quy debvoit quatre boudreaux q pmy payant I ad* et XVIII S* Liège estoit quict.

Johan Masset bourgoy de Herve eaigié de LXXVII ans ou environ ... saccord avec la déposition de Mathieumet tx prédéposant.