Piet Johan Colar conbourgoy eagié de LVI à LVII ans ou environ ... dépose ... q son feu père Johan Colar à son vivant louwoit une ptie des fossés de la ville et franchise de Herve joingnant à ses héritaiges au Coir de Herve, et ce prandoit il à lowaige des burghemres de ladite franchise mais ne sceit combien il en rendoit. Dépose davantaige avoir veu q les bourgoys dudit Herve relevoient lesdits fossés et ql abbattoit ung gealhier et ung bilbir? de St Lambert et q son feu père fut constrainct de abattre ung estable de cheval leql gisoit trop prest desdits fossés au Coer de Herve et davantaige a veu q quant sondit feu père ne louwoit lesdits fossés q les femmes alloient co(i)elhir (cueillir?) des bauslées dhourtielhes (ortie?) endits fossés et q quant luy ledit déposant et les hoires dudit feu Johan Colar rendoient hors au susnommé Massin le cortil de leur feu père estant ay Coer de Herve ql luy rendoit sy long et large ql estoit à eulx apptenant sans ql luy rendissent lesdits fossés.

Servais Johan Mathy ... dépose ... q du vivant de son feu père le vieul Johan Mathy ql ledit son feu père prinst à louwement en ptie des fossés de Herve estant joingnant à son preit appellé le Rassen de feu de feu Johan Dreis estant pour lhors burghemre de la franchise dudit Herve, dépose davantaige q au temps ql ledit déposant avec ses frères et seures ont ptys les héritaiges de leur feu père ql ne ptoient entre eulx lesdits fossés.

Johan dit le jeune Johan Mathy de Herve ... dépose avoir oyu dire son feu père le vieul Johan Mathy ql avoit prinst cydevant en ptie des fossés de Herve à louwement joingnant à son preit dit le Rassen et ce des bourghemres dudit Herve et ql disoit ql les avoit louwé pour faire taire les gens pource q lon les demandoit de oeuvrir comme lon fait au présent mais sil en payoit quel q chose ou non rien nen sceit. Dépose davantaige q quand il ledit déposant et ses frères et seures ont ptis entre eulx ledit Rassen ql nont point ptis lesdits fossés ains il dirent q celluy quy tomberoit à avoir la pt joingnant auxdits fossés q sil en pouvoit joyr ql en joissaist et non autrement. Dist en oultre navoir jamais oyu dire son feu père ql lesdits fossés fuissent à luy ptenants mais ql disoit avoir oyu dire q ce avoit esté ung Sr quy soy avoit en temps de guerre (ens?)fossés ens héritaige des gens et q ce seroit bien raison ql les reussissent.

Andrieu Mathy nre qfrère eagié de LXIIII ans ou environ ... dépose ... q luy estant passé plusieurs ans burghemre de Herve ql, avec soncomburghemre allèrent alenthour des fossés dudit Herve et ql les rendoit hors à louwement (n)ou(r)ement? rend(a)nt à feu Colar Lorette les fossés quy maniet Johan Florkin. Dépose davantaige q au temps ql a esté greuffier de la franchise dudit Herve ql a esté avec ladite justice le chesseman(ei)ge? alenthour chessemanier lesdits fossés et q ceulx quy estoient trouvés à forfaict q le Sr les calengeoitne fuist ql les prendassent à louwement.

Piet Grosfils nre confrère dépose avoir esté burghemre dudit Herve et ql saccorde ...

Thomas le Vivereau eaigié de LXXV ans ou environ ... dépose ... ql a plusieurs fois oyu dire q lon louwoyt les fossés de la ville de Herve et ql a veu quant le chessemanaige alloit q lon alloit alenthour desdits fossés et q ceulx quy estoient trouvé avoir fait mesvze audit fossé q le mayr les callengeoyt.

Mathieumet nre combourgeoy eagié de IIIIXX et III ou IIII ans ou environ ... saccorde ...

Mathy Johan Mathy nre confrère et coneschevin eagié de LI ans ou environ dépose ... q Colar Loret louyt cydevant des burghemres de la franchise de Herve les fossés q Johan Florkin tient pntement et q son feu père Johan Mathy a aussy tenu à louwement des fossés dedit Herve ducousté son héritaige.

Mathonet Lambert mangon de Herve eagié de L ans ou environ ... dépose ... ql a tenu en ptie des fossés de Herve estant au Coer de Herve à louwement des burghemre dudit Herve ...

Henry des Troz eaigié de LXII ans ou environ dépose ... ql ... q feu Colar Loret tenoit à louwement en ptie des fossés de la franchise de Herve du cousté son héritaige des burgemres de ladite franchise dedit Herve.

Jacob nre forestier eaigié de LX ans ou environ dépose ... ql fut passé XXXII ans environ burghemre de la ville de Herve avec feu le vieulx Johan Mathy leql an il rendent à feue l'espouse Colar Loret les fossés joingnant à son cortil à louwement et ce au proffit de la franchise de Herve et ql en receument le payement.

Maroye vefve de feu Michiel des Weades ... dépose avoit tousjours oyu dire q les fossés quy tenent Johan Florkin et Loren Colar de Polleur q ce sont fossés de la ville de Herve et ql les a veu ouvertes et ql y a passé pmy iceulx pour aller à une fontaine et veu passer plussieurs autres et ce dist elle pour les pties ambedeux.

Dreis Olivier ... dépose ... q au temps q feu Colar Loret tenoit les fossés quy tient Johan Florkin ql les tenoit à louwement des burghemres de la franchise de Herve comme faisoit feu Johan Mathy et plussieurs. Dépose davantaige avoir veu estre lesdits fossés pirchis (percés?) tant dessus comme desoubs mais sil estoit clos ou ouvert à la voye ou non rien nen sceit pfaictement dire et ce pour les pties ambédeux.

Horsportées le IIIè de 7bre an XVc LXII

Commentaire qui suit: Johan Florkin a débattu toutes monstrances déposantes dautres pties des fossés q de ceulx quyl tient.