Piet Doursy ... dépose ... ql a tousiours oyu dire ses a...? Srs mesme q feu Henry Fraekin son feu beaupère q ceulx quy demeuroient en la maison où q Johan de Haeck demeurt au pnt qls avoient le saichaige a puycts estant ens cortil quy fut Lyenard le Walboede estant en la Pottiers Rue et quant ledit Piet Johan Colar rendit à Lyenard delle Haye ladite maison où demeurt ledit Johan le Cuvelier ql devist ql retenoit ledit tiraige audit puicts et le (sec?)haige acconstedané.

Catharine vefve du feu Hubert le Daeglier ... dépose ... q feu Henry Fraekin achapta cydevant de feu Gile Phlippe ou ses enfans ung cortil où il y avoit ung puyct et achapta avec ledit cortil le tiraige audit puyct et pour (...?) ses enfans ahechir.

Lyenard fil du feu Hubert le Daeglier ... dépose ... q Piet Johan Colar manyoit et (...?) le tiraige au puyct estant en cortil de la maison quy fut à feu Lyenard le Walboda et ql a oyu dire son feu père Hubert ql ledit Piet y avoit son tiraige audit puict et ql y avoit huys entre le cortil dudit Piet et le cortil où ledit puict est p leql ledit Piet ou son espouse y alloit tirer avec leur corde et seau.

Eloye le Parmentier ... dépose ql veyt cydevant q Lyenard fil du feu Johan delle Haye faisoit asseoir ung estable sur le puict en question dont Piet Johan Colar disoit audit déposant et à Johan Goddar comment ledit Lyenard estoit sy hordy de faire mettre ledit estable sur ledit puict dont il oyt q ledit Lyenard dist qls feissent le puict pour une main autrept dont ledit Pietrépondit q ledit puyct luy plaisoit bien où il estoit mais si ses enfans après son décès luy voulloient accorder faire le pourroient.

Johan Goddar charpentier ... s'accorde ...

Maroye vefve de feu Lyenard Walbodar ... dépose ... q quant il prindent la maison où demeurt au pnt Johan le Cuvelier de Johanchon su...? nos kiens?, q Piet Johan Colar avec Catharine son espouse disoient avoir le tiraige au puyct estant en cortil de la maison où demeurt ledit Johan le Cuvelier mais ne sceit pour ce sil lavoiet de droit ou non. Dist en oultre ql y avoit ung huys pendant du cousté vers la maison dudit feu Lyenard son marit dont quant ledit Piet ou ses gens voulloient aller au puyct ladite déposante et son marit ouveroyoient ledit huys et ql ladite déposante et son marit leurs prustoient la corde et le seel pour tirer audit puyct comme voisins.

Piet Johan Colar ... dépose ... q quant la place et maison de feu Lyenard le Walbodafut de(n)imée? p Wynand delle sy que mambour & et q ledit Piet eu purgiet ladite maison hors des mains dudit Wynand ql roya Lyenard Johan delle Haye ladite purgement retenant tels clain ql aveit un tiraige au puyt et autrept et ce en présence de Piet Doursy et q depuys ledit temps il a tousiours saychy audit puyct et q ledit Lyenard mesme ayda audit déposant redrechy repl..t les poseaux de lhuys de lentrée du cortil là le puct est estant, dépose davantaige q Lyenard delle Haye cydevant quant il assiea l'estable sur ledit puyct ql requist audit Piet ql feissent ledit puct autrept pout une main dont ledit déposant répondit q ledit puyct luy plaisoit bien où il estoit et ql feroit une huyslet là y saicheroit et q ledit Piet dist q si ses enfans en estoient content ql luy plaisoit bien.

Vue par nos le différen pendant pdt nos entre Johan de Haeck act. contre Johan le Cuvelier deffendeur, consydéreis les premies et monstrances produictes p ledit Johan act., avons dit et déclairés disons et déclairons par ceste ledit Johan act. est bien f..de de demeurer en la possession du tiraige au puice en question. Condempn(an)t ledit Johan Cuvelier as despens. Passé à correction de chef et mres le XVIè jour d'octobre anno 63.

Lyenard delle Haye en garandissant Johan le Cuvelier a appellé le jugement prescript les an jour et mois susdits saulf lhonneur de messrs et dungchcun.