Lyenard fil Johan delle Haye ... dépose cydevant avoir veu q Olivier fil du feu le Grand Olivier courrut Claes susdit et Bastien fil du feu mre Franchoys Robert sus dont ql veyt q Olivier Dreis fut féru jus leql estoit navré en la teste mais ne le veyt point férir jus et après ql fut rentré ens sa maison vient tantost après à son huys leql veyt Olivier fil du feu le Grand Olivier et alhors dist "oncle Olivier vos mavez navré" dont ledit Olivier son oncle respondit q non.
Davantaige oyt q quant lon remedyoit ledit Olivier Dreis ql dist alhors q Olivier fil du feu le Grand Olivier son oncle luy avoit fait et ql le chasseroit aussy bien comen? ce? fuist ung estrangier.

Anthoene le Genaer ... dépose q cydevant quant Olivier Dreis fut navré ens la teste oyt q ledit Olivier Dreis disoit à Olivier fil du feu le Grand Olivier "oncle vos mavez navré" dont ledit Olivier son oncle respondit "vos mentez je ne la point fait"

Catherine vefve du feu Hubert le Dagghelir dépose q cydevant au hestour quant Olivier Dreis fut bleché ens la teste ql oyt q ledit Olivier disoit à Olivier fil du feu le Grand Olivier sonb oncle "vos mavez feru" dont ledit Olivier fil du feu le Grand Olivier répondit q non navoit dont ledit Olivier Dreis dist "sy avez vos menté".

Barbette filhe Lyenard le forestier ... saccorde ... avec la dépositin de Anthoene le Genaer son frère.