Wilheaume Dees ... dépose ql VI ou V ans ou environ passés q ledit tx lowa le wayen d'ung preit quy fut à feu Henry Fraikin à son feu soroige Anthoine Massin pour le laisser mangir ses vaches/tellement q quant ik voulloit alhors mener ses vaches déans ledit preit/q Dreis ne le voullu point laisser passer oultre son preit avecq sesdites vaches pour aller déans ledit wayen ql avoit lowé, s'il ne luy donnoit V ou VI jarbes (gerbes?) de strein (?)/ce q ledit W^em feist et luy donna lesdites jarbes.

Johan Masset eagé de LXXI ans ou environ dépose q de son vivant n'a jamais veu feuwes entre les preis nre dame, le preit feu Henry Fraikin et le preit de feu le vieulx Jehan Mathy desoubs Herve et ne sceit s'il y a passaige ou non de droit/de vaches ou autrement/pmy le preit de Dreis.

Gérard Pirot ... dépose ql a II à III ans ou environ ql tenoit le preit nre dame desoubs Herve et quant le wayen temps fut venu il alla prendre congier à Dreis pour passer avecq ses vaches pmy le preit dudit Dreis dont q ledit Dreis luy prestoit la clef pour passer.

Henry du Trou eagié de LVIII ans ou environ ... dépose q environ de entre XL et L ans ql a cognoissance q sa mère tenoit par lowaige le preit feu Henry Fraikin et ql n'a point cognoissance ql y euist neul paux ne seuwes entre ledit preit Henry Fraikin le preit nre dame et le preit feu le vieul Jehan Mathy et ql n'a jamais oyu dire q l'on passaist pmy le preit de feu le Grand Olivier pour aller avecq vaches ès pretes susdit sinon p congier.

Johan de Labye de jozé ... dépose ql a tenu passé plus de XXVI ans ou environ/ql a tenu par lowaige du feu le Grand Olivier le preit q Dreis son fils tient au pnt/et dist q du temps ql a tenu n'a jamais veu q l'on ayt pris congier de passer pmy ledit preit avecq vaches/et q en prendant ledit preit dudit Grand Olivier à Lowaige ledit feu Grand Olivier ne luy en fist nul mention/et ql a veu q sur le fin quant les preits vont wacques ql y a veu passer et dépose ql n'a jamais veu ny paux ny sewes entre le preit Henry Fraikin entre le preit nre dame et le preit feu vieul Johan Mathy.

Le jeune Olivier ... dépose q cydevant lowa le wayen de preit nre dame de Wilheaume Nuefcourt dont q en le lowant ledit Nuefcourt luy deist ql prist congier de passer pmy le preit Dreis pour aller avecq ses vaches endit preit nre dame dont q ledit tx a esté tousjours quérir la clef en la maison Dreis et luy donnoit ledit Dreis ladite clef et ql ne veit jamais suwees entre le preit Henry Fraikin et le preit le vieul Johan Mathy ...

Sabeau espouse Lyenard Johan delle Haye ... dépose q au vivant du feu le vieul Johan Mathy enprès duquel il (elle) demeuroit/ql a cognoissance ql a une foys chasser les vaches dudit Johan Mathy son granseur pmy la cloissure q tenoit alhors Servaes son oncle, ens preit dudit feu Johan Mathy, et ql a cognoissance ql a plusieurs fois esté quérir la clef du preit Dreis en la maison dudit Dreis pour passer oultre avecq lesdites vaches ...

Anne vefve du feu Massin le Swir (Serwir) ... dépose ql n'a point de cognoissance q l'on ait le passaige avecq les vaches ou autres bestes pmy le preit q Dreis tient estan desoubs Herve et ql a oyu dire son feu père le vieul Johan Mathy q c'estoit dommaige q l'on n'avoit le passaige avecq vaches et autres bestes pmy le susdit preit Dreis

Jehenne relicte du feu Pirot petit Johan ... dépose q du vivant son feu père Johan Mathy (le jeune je suppose) ql a cognoissance q quant ce venoit aux derniers wayens du preit de sondit feu père extant enprès du preit quy tient Dreis Olivier au pnt ql a passé avecq les vaches de sondit père pmy le preit dudit Dreis ayant esté quérir la clef en la maison du feu le Grand Olivier et q sondit feu père fist aucune fois soyer lesdits derniers wayens et q ladite déposante les a aeidy porter déans des feches mais se c'estoit droit ou non n'en sceit rien.

Gielette filhe Piet Johan Colar jadis servante à Sabeau vefve du feu Anthoine Massin ... dépose ...

Catharine vefve du feu Olivier de Gurné ... dépose ql y a XL ans ou environ ql soy maria avecq ledit feu Olivier et ql a cognissance ql tenoit le preit q Dreis tient au pnt quant il furent mariéjus a tant ql alloient danouir alle commoingne et ql n'a point veu q l'on euist ledit temps pendant le passaige de vache pmy ledit preit et ql a bien cognoissance q feu Henroteau avoit en son vivant ung preit desoubs Balwasar ...

Catharine espouse Dreis dépose q depuys le temps ql a esté mariée avecq Dreis assavoir passé XI ou XII ans ou environ ql n'a point veu q l'on ayt eu le passaige de droit avecq vaches pmy le preit de Dreis mais a veu q plusieurs ont venus prendre congy audit Dreis de passer dont q ledit Dreis donnoit à aucuns congy de passer et anons le refusat, dépose enoultre q en lesdits derniers veyt q l'espouse Ceclet servante au vowé de Bombaye vient emprès de Dreis demandant se ledit Dreis luy donneroit congy de passer avecq les vaches dudit vowé pmy son preit disant q ledit vowé luy avoit dit ql luy avoit donné congy dont q ledit Dreis répondit q non et ql n'avoit donné congy audit vowé et ql ne luy voulloit donner congy car il ny avoit point (ou pour?)de passaige. Davantaige dist q Dreis cloit depuys la cloissure jusq au preit Henry du Trouz, en oultre dépose q environ la St Rémy dernier veyt q le l'espouse Colet de Laetre vient emprès de Dreis demandant congy de passer pmy le preit de Dreis avecq ses vaches dont q ledit Dreis luy refusa le passaige dont q ladite espouse Colet dest q l'on se metteroit V ou VI ensemble et q l'on luy feroit bien ouvrir ledit passaige.

Maroye espouse Damoiseau Enerard d'Arenberg ... dépose q au temps de son feu mary le Grand Olivier ql tenoient le preit q Dreis tient au pnt ql ne veyt q jamais on euist le passaige de droit avecq vaches ou autres bestes herdaues pmy ledit preit mais q l'on venoit tousjours prendre congy de passer à sondit feu mary. Dépose en oultre q environ la St Rémy dernier veyt q l'espouse Colet de Laetre vient emprès de Dreis demandant congy de passer pmy ledit preit avecq ses vaches et q ledit Dreis luy refusa dont q ladite espouse Colet deist ql soy mettreroient ensemble leurs V ou VI pour plaidoier all. dudit Dreis pour ledit passaige.

Thomas fil du feu Henry Moreau dépose avoir cherier les foins et les wayens du preit ql vient de leur mère pmy le preit Dreis

Johan de Balwasa ... dépose avoir cognoissance ql y a bien (X?) ans et plus ql ledit tx alloit warder les vaches de son feu père le Grand Olivier ...

Johan le Brasseur ... dépose ... ql y a plus de XL ans ql est marié avecq Idletson espouse et q à son meilheur sens q le preit q Dreis tient au pnt estant desoubs Herve vient de Damoiselle Idlet grand-mère à sadite espouse ...