Monstrances de la part la vefve Fingoed d'une, contre Corne fil Maroye fille Mathy Bietmé, le 8 juin 1595.

Willem le Veck ... dépose que cidevant y estoit à la maison Jehan C... ? avecq Mathonet Bennick où estant survient Corne fil Anthoene Gouverneur, leql estant entré ens la maison sans avoir (...) propos à la vefve Fingoed, laquelle estoit illecq présente, dist à ladicte vefve telles parolles "y me semble que vous soyez ung peu makral" adressant ses parolles à ladicte vefve et ce dist-il par deux fois, ce que entendist ledit déposant, dist audict Corne que c'estoit mael parlé, et ledict Mathonet qui estoit auprès de luy dist audict Corne "pourquoy y disoit telles parolles car y tenoit ladicte vefve aussy femme de bien comme la mère dudict Corne".

Clamence fille Denis Ligoy (ou Denis Dardenne dit Liégeois) dépose que cidevant elle estoit au xhore ? pour laver quelques drapeau où estoit la vefve Fingoed, Maroye Jehan Bietmé et plusieurs autres, de sorte q en plusieurs propos qui furent illecq dict, la vefve Fingoed commence à dire que ladicte déposante avoit cinq amoureux et qu'elle les avoit vehu en l'égliese, que oyant Maroye Jehan Bietmé dist "dont fault-il que tu sois une dame macquerael puis tu scais telle choese"...

Jehenne espouse à Lina le Ghenaer dépose que cidevant elle estoit au xhoire ? lavant des drapeau où estoit présentes Maroye veuve Fingoed et Maroye Jehan Bietmé et Clamence fille Denis Ligoy de sorte que en plusieurs autres propos qui furent dict touchant ce que ladicte vefve Fingoed disoit que Clamence fille Denis Ligoy avoit des amoureux, ouyt que Maroye Jehan Bietmé dist "voilà le (diable femme?) clamer, on diroit (...) que ce fuict une deame (dame?) macquerael".

Marie espouse à Lambert Bietmé dépose que cidevant Maroye vefve Fingoed vient auprès d'elle le demandist et advertissoit que Maroye fille Jehan Bietmé, sa belle-soeur, l'avoit appellée macqueralle, à quoy ladicte déposante respondit qu'elle ne devoit ce prendre en mael part car elle l'avoit dict pour c... (rigoler?), sur lesquelles propos ladicte Maroye, belle-soeur à ladicte déposante vient auprès d'eulx, à laquelle ladicte vefve Fingoed adressit ses parolles disant si elle voloit tenir sur ses parolles, à quoy elle respondit que non et qu'elle ne l'avoit l... ? macqueralle et qu'elle vouldroit voir l'homme qui le diroit.

Elyd espouse à Johan Megre dépose qu'elle estoit au xhore ? du Coin de Herve où estoit Maroye fille Jehan Bietmé, Maroye vefve Fingoed...