Monstrance produicte de la part Jehan Piet de Herve contre Jehan de Hack, brasseur à Herve deffendeur.

Hubert Heyn, tesmoing sermenté et de une voix ... examiné, dépoes avoir bonne et claer cognition que cidevant quant Jehan de Hack estoit infecté de la peste, estant ledit Jehan séparé des gens ens une hoet desoub sa maison, ledit déposant veoyt p plusieurs aller oultre ses héritaiges, (auc)une fois ledit Jehan Piet, (auc)une fois ses enffans, avecq des pains et ung ban(u)ste, portant à vivre à Jehan de Hack, son beau-frère, mais comment y estoyent d'accord entre eulx, rien ne sceit ni si ledit Jehan a contenté ledit Jehan Piet, rien ne sceit..

Giel de Hack, ... dépoes ... que du temps que Jehan de Hack estoit infecté de la peste, estant alhors séparé des gens ens une hotte desoub hact (?), ledit déposant demoroit alhors avecq sa famille en hact où y a veu p plusieurs fois que Jehan Piet et ses enffans portoyent à vivre audit Jehan de Hack (auc)une fois de pain, (auc)une fois autre choese, mais comment y estoyent d'accord ni si ledit Jehan Piet est contenté, rien ne sceit. Dist davantaige que a vehu que ledit Jehan Piet a presté audit Jehan ou à sa famille alhors mesme (auc)une acutrement mais si ledit Jehan Piet les a récupéré, rien ne sceit.

Maroye, espouse à Henry le Tixhon, ... dépoes ... que quant Willaem Piet estoit infecté de la peste, Jehan Piet et Gilebde Hack viendrent auprès d'elle et marchandirent tellement qu'elle debvoit asister ledit Willaem en ses nécessités debsorte que estant ladite déposanté auprès dudit Willaem, requist ledit Willaem qu'elle allat à la maison de jeusne Jacobbquérir tout ce qu'elle avoit de besoing pour luy subvenir et que ledit Jacob luy debvoit assez, ce qu'elle fit et après ce aussi ledit Jehan Piet a délivré à ladite déposante ce que ladite déposante avoit de nécessité pour subvenir ledit Willaem et l'enffant Jehan de Hack que estoyent ens une mesme hotte et après que l'enfant Jehan de Hack fut mort, Jehan Piet et Jehan de Trou viendrent deux nuict veiller ens la ward où ladite déposante et ledit Wilaem estoyent. Dist davantaige que ledit Willaem donat en sa maladie son manteau à ladite déposante mais après le décès dudict Willaem, ladite Maroye s'at accordé avecq ledit Jehan de Hacq et Jehan Piet, tellement que ont détenu pour eulx ledit manteau. Semblablement ledit Jehan de Hacq a délivré à ladite déposante en ses nécessités quelque doulceur mais combien y en at esté l'at oblié.

Jehan de Trou, ... dépoes ... que quant Willaem Piet estoit infecté de la peste, que Jehan Piet requist de ledit déposant que veulist avecq luy aydi veiller auprès de la hoet de Wilaem, son frère, ce que ledit déposant fist p deux nuyct et pour ce luy a ledit Jehan donné trois pains. Dist davantaige que quant ledit Willaem fut mort, ledit Jehan marchandit la vefve Henry Des pour l'aidir ensevelir mais pour combien y furent d'accord rien ne sceit.

Lina Cedigle de Herve ... dépoes que quant Willaem estoit infecté de la peste, Jehan Piet requist ledit déposant de voloir aller avecq luy auprès dudit Willaem, son frère, ce que ledit Lina fist et veyt mesme allors et aussi aultrefois que ledit Jehan assistoit ledit Willaem en tous ses nécessités tant de vivres que de beveraige et de tout ce que avoit de besoing. Dist que quant y estoit auprès dudit Willaem, ledit Willaem dist à Jehan Piet, son frère, que ledit Jehan avoit levé trois escu de Olny de Boer et que falloit que l'assistoyt en sa maladie avecq lesdits trois escus, et soy tenoit ledit Willaem maelcontent pour ce que Jehan de Hack disoit que avoit defaict son manteau et n'oyit jamais ledit déposant que ledit Willaem donnat son manteau à quelcun.

Henry David ... dépoes ... que cidevant quant Willaem Piet estoit infecté de la peste, Jehan Piet soy comparut auprès de luy le requérant que si Maroye, espouse à Henry le Tixhon, venoit auprès de luy pour avoir del bier que ledit déposant luy en délivrast et que ledit Jehan Piet luy payeroit pour ce qu'elle avoit ehu de luy et même si avoyent besoing d'autre choses, que luy délivrast et y le contenteroit de tout ce que avoit ehu de luy délivré. De sorte que à raison de ce ladite Maroye at esté quérir del bier en sa maison et même la nuyct devant que ledit feu Willaem Piet mourust, ladite Maroye requist ledit Henry que luy veulist aller quérir de souit (?) et del tourt pour ledit Willaem car y estremement malaed, ce que ledit déposant fist et après la mort dudit Willaem, Jehan Piet a na.. Et contenté tout ce que ledit déposant avoit à ladite Maroye délivré. Davantaige dist avoir plusieurs fois veu que ledit Jehan Piet portoit et administroit audit feu Willaem tout choese nécessaire, ce que voyant ledit déposant dist audit Jehan que avoit grand soing dudit Willaem, sur quoy ledit Jehan respondit que vouldroit que (...) (...) que luy voyant et considère que c'estoit son frère. Dist aussi avoir bonne cognoissance ledit Jehan Piet avoir administrer Jehan de Hack, son beau-frère en ses nécessités et quant sa femme estoit infectée de la peste.

Jehan Moreau de Maelvaulx, ... dépoes ... que cidevant quant Gilet, l'espouse Jehan de Hack estoit infectée de la peste, que ladite Gilet requist ledit déposant que veulist advertir son frère Jehan Piet de luy (...) et aporter ung oreiller ou cous(s)in pour coucher, sur ce que ledit déposant fist et a veu ledit déposant que ledit Jehan luy a aporté une oreiller avecq ung blant coer de drap. Dist aussi avoir ehu dire Jehan de Hack et son espouse que leur frère et beau-frère Jehan Piet leur veulist assister en leurs nécessités et que content seroyent fort bien ledit Jehan de son salaire pames (?) et déboursement que avoict à leur occasion faict.

Commentaires:

Les événements se déroulent autour de juin 1579. Les Espagnols viennent de reprendre Maestricht aux Hollandais et la peste sévit dans la région. Ce document donne un petit aperçu de l'ambiance qui pouvait exister dans la région. Chaque famille a dû perdre au moins un membre mais nous ne possédons malheureusement pas les statistiques.

On sent que tout a un prix. Jehan Piet promet bien de payer le moindre service qu'ill demande. Maroye reçoit un manteau de William et quelques "douceurs" de Jehan de Hack. Ce dernier a trois écus qu'il offre à son beau-frère Jehan Piet pour l'assister et subvenir à ses besoins. Le pain est un denrée précieuse. Jean Piet, qui est boulanger de son métier, offre trois pains à Jean De Trou pour venir assister son frère William Piet pendant deux nuits. Un manteau est de toute évidence également un bien de valeur. Maroye en reçoit un de William Piet mais le restitue à Jean Piet et Jean de Hack par la suite. On précise bien qu'elle le rend après s'être «accordé» avec ces deux personnes.

Les malades sont isolés dans une «hotte» située «en-dessous» de la maison. Jean de Hack s'en tire mais son fils et sa femme, Gielette, décèdent.

Jean Piet porte ensuite plainte contre Jean de Hack. Est-ce parce qu'il n'a pas été suffisammment payé. Plusieurs témoins sont interrogés qui déclarent tous que Jean Piet s'est démené pour son frère William. Peut-être un peu moins pour son beau-frère. Son frère mourant lui fait cependant comprendre que Jean de Hack a trois écus à sa disposition qu'il est prêt à donner pour être assisté. Les témoins déclarent que Jean Piet a néanmoins apporté des pains et autres choses à Jean de Hack. Personne ne peut dire comment ils se sont mis d'accord.